Featured image above shows UBJP President Al-Haj Murad Ebrahim raising the hands of the party’ bets in Maguindanao del Sur. (Image via UBJP)
Short link: https://wp.me/paaccn-McI
COTABATO CITY February 19, 2025 — Matagumpay na isinagawa ng United Bangsamoro Justice Party (UBJP) ang Mass Oath-Taking at Official Raising of Hands ng mga kandidato nito mula sa Maguindanao del Norte at Maguindanao del Sur bilang bahagi ng kanilang paghahanda sa darating na Halalan 2025 at pagpapaigting ng ugnayan sa pagitan UBJP leadership at UBJP candidates mula sa dalawang lalawigan.
Sa pagsisimula ng programa, nagbigay ng Islamic Reminders si Sheikh Nadheer Ebil, kung saan binigyang-diin niya ang kahalagahan ng pagsasama ng mga prinsipyo ng Islam sa pamumuno at paggogobyerno. Aniya, ang pagiging isang lider sa Islam ay may mabigat na responsibilidad, at kinakailangan ng isang matuwid at maka-Diyos na pamamahala upang mapanatili ang kapayapaan at kaunlaran sa kanilang nasasakupan.
Pinangunahan naman ng Party Leadership ang mismong Mass Oath-Taking sa pangunguna ni UBJP President Ahod “Al Haj Murad” Ebrahim, kasama sina UBJP Secretary General Abdulraof “Sammy Al-Mansoor” Macacua, UBJP Vice President for Northern Mindanao Ali Solaiman, at iba pang mga opisyal mula sa Central Party Committee.
Dumalo rin sa Mass Oath-Taking ang mga kandidato para sa Provincial Board Members, mayoralty, at councilor positions mula sa 12 munisipalidad ng Maguindanao del Norte, sa pangunguna ng Gubernatorial candidate na si Mayor Datu Tucao Mastura at Vice Gubernatorial candidate Datu Marshall Sinsuat.
Samantala, mula sa Maguindanao del Sur ay dumalo rin ang mga kandidato para sa Provincial Board Members, mayoralty, at councilor positions mula sa 24 na munisipalidad, sa pangunguna ng Gubernatorial candidate na si Datu Ali “Datu Sa Talayan” Midtimbang at Vice Gubernatorial candidate Sheikh Hisham Nando. Kasama rin sa pagtitipon sina Congressional Candidate Esmael “Toto” Mangudadatu at iba pang lider ng partido mula sa iba’t ibang bayan.
Sa talumpati ni Party President Ebrahim, kaniyang ipinunto ang kahalagahan ng political participation bilang bahagi ng jihad at patuloy na pagtaguyod sa adhikain ng partido para sa Bangsamoro Region.
Aniya, “𝐈𝐭𝐨𝐧𝐠 𝐠𝐢𝐧𝐚𝐠𝐚𝐰𝐚 𝐧𝐚𝐭𝐢𝐧 (𝐩𝐨𝐥𝐢𝐭𝐢𝐜𝐚𝐥 𝐩𝐚𝐫𝐭𝐢𝐜𝐢𝐩𝐚𝐭𝐢𝐨𝐧) 𝐚𝐲 𝐛𝐚𝐡𝐚𝐠𝐢 𝐧𝐠 𝐣𝐢𝐡𝐚𝐝 𝐧𝐚𝐭𝐢𝐧. 𝐌𝐚𝐲 𝐦𝐠𝐚 𝐧𝐚𝐠𝐭𝐚𝐭𝐚𝐧𝐨𝐧𝐠 𝐧𝐠 ‘𝐁𝐚𝐤𝐢𝐭 𝐬𝐚 𝐩𝐚𝐠-𝐣𝐢𝐡𝐚𝐝, 𝐤𝐚𝐢𝐥𝐚𝐧𝐠𝐚𝐧 𝐛𝐚 𝐧𝐚 𝐬𝐮𝐦𝐚𝐥𝐢 𝐬𝐚 𝐞𝐥𝐞𝐤𝐬𝐲𝐨𝐧?’ 𝐀𝐧𝐠 𝐠𝐮𝐬𝐭𝐨 𝐥𝐚𝐧𝐠 𝐧𝐚𝐦𝐚𝐧 𝐧𝐚𝐭𝐢𝐧 𝐤𝐮𝐧𝐠 𝐛𝐚𝐤𝐢𝐭 𝐠𝐢𝐧𝐚𝐠𝐚𝐰𝐚 𝐧𝐚𝐭𝐢𝐧 𝐢𝐭𝐨, 𝐚𝐲 𝐮𝐩𝐚𝐧𝐠 𝐦𝐚𝐩𝐫𝐞𝐬𝐞𝐫𝐯𝐞 𝐚𝐧𝐠 𝐩𝐢𝐧𝐚𝐠𝐡𝐢𝐫𝐚𝐩𝐚𝐧 𝐚𝐭 𝐩𝐢𝐧𝐚𝐠𝐥𝐚𝐛𝐚𝐧 𝐧𝐚𝐭𝐢𝐧 𝐧𝐠 𝐢𝐥𝐚𝐧𝐠 𝐝𝐞𝐤𝐚𝐝𝐚 𝐦𝐚𝐤𝐚𝐦𝐢𝐭 𝐥𝐚𝐧𝐠 𝐢𝐭𝐨𝐧𝐠 𝐁𝐚𝐧𝐠𝐬𝐚𝐦𝐨𝐫𝐨 𝐀𝐮𝐭𝐨𝐧𝐨𝐦𝐨𝐮𝐬 𝐑𝐞𝐠𝐢𝐨𝐧 𝐢𝐧 𝐌𝐮𝐬𝐥𝐢𝐦 𝐌𝐢𝐧𝐝𝐚𝐧𝐚𝐨.”
Dagdag pa niya, “𝐈𝐭𝐨𝐧𝐠 𝐦𝐠𝐚 𝐧𝐚𝐩𝐢𝐥𝐢 𝐧𝐚𝐭𝐢𝐧𝐠 𝐤𝐚𝐧𝐝𝐢𝐝𝐚𝐭𝐨 (𝐮𝐧𝐝𝐞𝐫 𝐔𝐁𝐉𝐏) 𝐚𝐲 𝐢𝐭𝐨 𝐚𝐧𝐠 𝐦𝐠𝐚 𝐥𝐢𝐝𝐞𝐫 𝐧𝐚 𝐛𝐢𝐧𝐢𝐠𝐲𝐚𝐧 𝐧𝐚𝐭𝐢𝐧 𝐧𝐠 𝐭𝐢𝐰𝐚𝐥𝐚 𝐧𝐚 𝐦𝐚𝐠𝐝𝐚𝐝𝐚𝐥𝐚 𝐚𝐭 𝐦𝐚𝐧𝐠𝐚𝐧𝐠𝐚𝐥𝐚𝐠𝐚 𝐬𝐚 𝐦𝐠𝐚 𝐩𝐢𝐧𝐚𝐠𝐥𝐚𝐛𝐚𝐧 𝐧𝐚𝐭𝐢𝐧𝐠 𝐢𝐭𝐨, 𝐢𝐧 𝐒𝐡𝐚𝐚 𝐀𝐥𝐥𝐚𝐡. 𝐒𝐚 𝐩𝐚𝐠𝐭𝐚𝐭𝐚𝐩𝐨𝐬 𝐧𝐠 𝐭𝐫𝐚𝐧𝐬𝐢𝐭𝐢𝐨𝐧 𝐩𝐞𝐫𝐢𝐨𝐝, 𝐚𝐧𝐠 𝐦𝐠𝐚 𝐬𝐮𝐬𝐮𝐧𝐨𝐝 𝐧𝐚 𝐦𝐚𝐠𝐠𝐨𝐠𝐨𝐛𝐲𝐞𝐫𝐧𝐨 𝐬𝐚 𝐚𝐭𝐢𝐧 𝐚𝐲 𝐚𝐧𝐠 𝐦𝐠𝐚 𝐞𝐥𝐞𝐜𝐭𝐞𝐝 𝐜𝐚𝐧𝐝𝐢𝐝𝐚𝐭𝐞𝐬. 𝐀𝐧𝐠 𝐡𝐢𝐧𝐢𝐡𝐢𝐧𝐠𝐢 𝐚𝐭 𝐩𝐢𝐧𝐚𝐠𝐝𝐚𝐫𝐚𝐬𝐚𝐥 𝐥𝐚𝐧𝐠 𝐧𝐚𝐭𝐢𝐧 𝐬𝐚 𝐦𝐠𝐚 𝐥𝐢𝐝𝐞𝐫 𝐧𝐚 𝐡𝐚𝐡𝐚𝐰𝐚𝐤 𝐬𝐚 𝐠𝐨𝐛𝐲𝐞𝐫𝐧𝐨𝐧𝐠 𝐢𝐭𝐨 𝐚𝐲 𝐦𝐚𝐦𝐚𝐥𝐚𝐠𝐢 𝐚𝐧𝐠 𝐣𝐢𝐡𝐚𝐝 𝐬𝐚 𝐤𝐚𝐧𝐢𝐥𝐚 (𝐟𝐨𝐫 𝐭𝐡𝐞 𝐬𝐚𝐤𝐞 𝐨𝐟 𝐀𝐥𝐥𝐚𝐡), 𝐩𝐚𝐫𝐚 𝐬𝐚 𝐚𝐭𝐢𝐧𝐠 𝐫𝐞𝐡𝐢𝐲𝐨𝐧, 𝐩𝐚𝐫𝐚 𝐬𝐚 𝐁𝐚𝐧𝐠𝐬𝐚𝐦𝐨𝐫𝐨 𝐏𝐞𝐨𝐩𝐥𝐞.”
Ang isinagawang Mass Oath-Taking ay hindi lamang isang pormalidad kundi isang pagpapakita ng pagkakaisa, katapatan, at dedikasyon ng mga kandidato sa adhikain ng UBJP. Ito rin ay isang pagkakataon upang pagtibayin ang ugnayan sa pagitan ng partido at ng mga magiging kinatawan nito sa gobyerno matapos ang halalan.
Isa rin itong pagpapahayag ng matibay na suporta ng UBJP sa kanilang mga kandidato, kasabay ng paninindigan ng partido sa pagpapatuloy ng Moral Governance na sinimulan ng kasalukuyang administrasyon ng Bangsamoro. Sa harap ng mga hamon sa pulitika, nananatiling matatag ang UBJP sa kanilang pangako na magsulong ng isang gobyernong nagsusulong ng kapayapaan, hustisya, at inklusibong kaunlaran para sa lahat ng Bangsamoro.
Habang papalapit ang Halalan 2025, patuloy ang UBJP sa pag-oorganisa ng mga aktibidad na naglalayong pag-isahin ang partido at tiyakin ang kahandaan ng mga kandidato nito. (/)